Fotballbana i barnehagen har vore ein suksess sidan ho kom på plass i 2011. Nokre "årgangar" har brukt all tilgjengeleg speletid til å organisere forballkampar, medan vi andre tider ser meir danse- og turntrening. Den jamne, tørre flata appelerer også til dei som ønsker å måle krefter, anten det er organisert av vaksne (taudraging) eller ikkje (brytekamp).

Ei rett og jamn flate som denne inviterer til andre aktivitetar enn det vi finn i ulendt terreng. Her kan ein fokusere på aktivitetar der fart og/eller ramling er eit moment. Området er tydleg avgrensa med ein kant av plank og gjer det lett for barna å definere dei fysiske rammene for leiken.