Midt i mars blei alle barnehagane i Noreg stengt på grunn av det slemme viruset Covid 19. Dette har resultert i ei stille rugetid for kyllingane våre, men dei har det første døgnet faktisk vore ganske aktive på Facebook.

Termin for klekkinga var eigentleg i dag, 31. mars, men den første kyllingen hakka seg ut av skalet sitt allereie i går. Dei 5 første kyllingane har flytta på eigen hybel, og nyttar tida no til å bli kjend med kvarandre og planlegge framtida. Dei er også velkomstkomitè for dei kyllingane som kjem til etterkvart.

Etter endt opphald i barnehagen, er planen å flytte til Vigra.