Alle barnehagar skal utarbeide ein årsplan. Den er eit arbeidsdokument for personalet og gir informasjon til føresette og andre interesserte som kommunen og andre samarbeidspartnarar. I årsplanen kjem det fram kva vi skal drive med gjennom året. Periodeplanar for dei ulike barnegruppene blir sendt ut til føresette gjennom året.
Barnehagens årsplan, del 1 har vi kalt frå A-Å. Denne delen er den same frå det eine året til det neste. Her skal ein finne svar på korleis vi gjer ting/ har det i Rørstadmarka barnehage, sortert etter alfabetisk orden.
Barnehagens årsplan, del 2 gjeld for eit barnehageår om gangen. Årets gjennomgåande tema for heile barnehagen er inkludering. I Meld. St. 6 (2019–2020) (regjeringen.no) blir dei store linjene om demokrati, verdiskaping og velferd trekt heilt ned til inkludering av barn i barnehagealder.
I trygge rammer skal trivsel, meistring og leik gjere at barnet opplever seg som ein verdifull del av fellesskapet og blir godtatt som det er. Rammeplanen seier at barnehagen skal bidra til at alle barn kjenner seg sett og anerkjent for den dei er, og synleggjere den enkelte sin plass og verdi i fellesskapet, (Utdanningsdirektoratet, 2017). Her blir det også peika på at barndommen har ein eigenverdi i seg sjølv, og at vi i henhald til Grunnlova §104 og barnekonvensjonen art. 3 nr. 1 skal ha barnets beste som grunnleggande omsyn i alle handlingar og avgjersler som berører barnet.
Barnet si stemme skal vi høre gjennom det barnet fortel sjølv og viser med kroppsspråket sitt, det foreldre fortel og det vi som jobbar i barnehagen observerer. Barna skal ha eit trygt og godt miljø i barnehagen.
I Rørstadmarka barnehage har vi samanfatta fagområda i rammeplanen til ein progresjonsplan. Det er mykje som skjer i løpet av barnets første år, alder og utviklingsnivå har betydning for korleis vi jobbar med og i barnegruppene. Likt tema vil bety ulike måtar å jobbe på.
Inkludering er å legge til rette for:
• Fellesskap; du er ein av oss.
• Deltaking; i aktivitetar og det sosiale fellesskapet.
• Medverknad; kunne seie si meining og bli lytta til.
• Utbytte; fagleg og sosialt utbytte for alle.
Tema forpersonalets kompetanseutvikling 2024/2025 er i lag med dei andre barnehagane i Sula kommune er inkludering.
Årsplanen i barnehagen er utarbeidd av personalet og vedtatt av barnehagens samarbeidsutval: