Har du hørt om mannen som gjekk tur med hunden sin, og som mista votten sin? Mannen og hunden gjekk vidare, men votten fekk besøk av mange artige dyr. Desse dyra har vi i Rørstadmarka barnehage blitt nærmare kjent med den siste tida.

Pilemus Silkehår, Friskefrosk Langelår, Haremann Hopsadans, Revemor Silkesvans, Ulven Aldrimett, Villsvinet Trynebrett og Bamsefar Labbdiger fekk alle plass inni votten. Men når mannen kom tilbake og leita etter votten sin, pilte alle dyra ut og blei borte i skogen.

Til den store karnevalsdagen no i februar har barna jobba fram eitt av desse dyra til sitt antrekk. Her har vi hatt både maske-laging og skjorte-maling. Med fine «heimelaga» kostymer har vi hatt fellessamling på kjøkkenet, gått i «samba-tog» gjennom barnehagen, hatt «åpent hus» med ulike aktivitetar på avdelingane og sjølvsagt slått på pinjata og spist pølser m/brød.