Årets sommartur gjekk til Atlanterhavsparken i Ålesund. Den eksklusive halvtimen i buss gir nesten like mykje å prate om som opphaldet i det flotte akvariet. Metta av nye ord og inntrykk bar det ein litt meir spak gjeng i bussen heim.
20.06.2025 14.57Det er klart vi må øve til 17. mai! Med flagg og fane lagar vi eit tog og legg i veg. I toget går vi på rekke, viftar med flagg og ropar HURRA! Vi har også øvd på å spise pølser og is, og på dei klassiske 17. mai-leikane.
16.05.2025 14.05
Det nærmar seg påske, og tradisjonen med å ruge ut kyllingar i barnehagen held seg oppe. Det absolutte høgdepunktet for barna er når dei kan vise fram årets påskekyllingar til foreldra under påskefrukosten.
10.04.2025 14.14
"Eg høyrer og gløymer, eg ser og hugsar, eg gjer og forstår" kan vi lese i årsplanen vår. Barna i akebakken gjer seg mange viktige erfaringar om snø, kulde, fart, sosiale reglar og enda mykje meir.
10.01.2025 14.56På Fiskarstranda i Sula kommune finn du Rørstadmarka barnehage. Barnehagen ligg slik til at det er snertent å svinge seg innom frå hovudvegen, samtidig som vi ligg skjerma og med kort veg til mange fine turmål. Tre steinkast opp i vegen ligg også den lokale barneskulen.
Hovudopptaket til barnehageplass frå hausten har søknadsperiode 1. januar - 1. mars. Rørstadmarka barnehage har samordna opptak med Sula kommune. Det digitale søknadsskjemaet finn ein ved å gå inn via lenka på denne sida, eller frå nettsida til Sula kommune.
